Nauthól er nútímalegur bistró þar sem áhersla er lögð á létt og skemmtilegt andrúmsloft. Með hinn rómaða landsliðskokk Eyþór Rúnarsson í fararbroddi teljum við okkur geta boðið upp á matseðil sem höfðar til sem flestra.
Við á Nauthól leggjum mikla áherslu á ferskt og vandað hráefni. Við leggjum okkar metnað í að laga allan okkar mat frá grunni. Auk þess teljum við mikilvægt að takmarka kolefnisfótspor Nauthóls og leggja áherslu á sjálfbærni í framleiðslu birgja, til dæmis með því að kaupa beint frá býli. Við gerum okkur grein fyrir þeirri ábyrgð sem lögð er á herðar okkar þar sem við erum staðsett í nánd við eitt helsta útivistarsvæði borgarinnar. Í Nauthólsvík er hægt að upplifa tengsl við náttúruna og sækja hreyfingu, hollan og góðan mat, menningu til að næra andann og síðast en ekki síst eiga góðar samverustundir með vinum og fjölskyldu.
